Прегледи: ...
Дата: 7-Мај-2024
Време траење: 00:03:51
Категории: МАКЕДОНИЈА
Од ноќеска на полноќ почна изборниот молк за парламентарните и за вториот круг од претседателските избори. Ќе заврши утре во 19 часот до затворањето на гласачките места. На вториот круг од претседателските избори право на глас имаат милион 814 илјади 317 избирачи, а на парламентарните избори, милион 815 илјади 350 избирачи. Двојните избори ќе ги следат илјада 303 домашни и 860 странски набљудувачи и 83 странски новинари. Државната изборна комисија со упатство за утрешното гласање. Денеска гласаат болните и немоќните лица, затворениците и дијаспората. За претседателските избори за гласање се пријавиле 11 илјади 123 болни и немоќни лица, а за парламентарните избори бројката е поголема за 102 избирачи, односно 11 илјади 225. Известува Марина Стојанова - Тонева.